பிஸ்தாவின் ஆரோக்கியம் சார்ந்த நன்மைகள் (Pistachio health benefits)

பிஸ்தாவின் ஆரோக்கியம் சார்ந்த நன்மைகள் (Pistachio health benefits)

பிஸ்தாக்கள், உங்கள் உணவுமுறையில் நீங்கள் சேர்த்துக் கொள்ளக் கூடிய ஆரோக்கியமான பருப்பு வகைகளில் ஒன்று ஆகும். அவை அதிகமான ஆற்றல், செறிவான நார்ச்சத்து மற்றும், ஆரோக்கியம் மற்றும் இளமையைப் பராமரிப்பதில் திறன் மிக்கவையான ஆரோக்கியமான கொழுப்புகளையும் நல்ல அளவில் கொண்டிருக்கின்றன. பிஸ்தாவின் ஆரோக்கியம் சார்ந்த நன்மைகளில் சிலவற்றை நாம் இப்பொழுது காணலாம்.

கொழுப்பு அளவுகளைக் குறைக்கிறது: அனைத்துப் பருப்பு வகைகளின் மத்தியில் பிஸ்தாக்கள் மிகவும் குறைவான அளவுகளில் கொழுப்பைக் கொண்டிருக்கின்றன, மேலும் அந்தக் கொழுப்பானது செறிவுறாத கொழுப்பு அமிலங்களின் வடிவத்தில் இருக்கின்றன. பிஸ்தா உட்கொள்வது கெட்ட கொழுப்புக்களைக் குறைத்து நல்ல கொழுப்புக்களை அதிகரிக்க உதவுகிறது. அதன் விளைவாக இதய ஆரோக்கியத்தை மேம்படுத்துகிறது.

மூளையின் செயல்பாட்டை மேம்படுத்துகிறது: பிஸ்தாக்களின் பச்சை மற்றும் ஊதா நிற பருப்புகள், அறிவாற்றலை (சிந்தித்தல் மற்றும் புரிந்து கொள்ளுதல்) மேம்படுத்துவதில் மிகவும் திறனுள்ள லுடெயின், மற்றும் அந்தோசியானின்கள் போன்ற நிறமிகளைக் கொண்டிருக்கின்றன.

எடையைக் குறைக்க உதவுகிறது: பிஸ்தாக்கள் மற்றும் பருப்புகள், பொதுவில் வழக்கமாக கொழுப்பை அதிகரிப்பதாகக் கருதப்படுகிறது. இருந்தாலும், அவை உங்களை நீண்ட நேரத்துக்கு வயிறு நிரம்பி இருப்பது போன்று உணர வைக்கும் உணவுசார் நார்ச்சத்துக்களைப் போதுமான அளவிலும், ஆரோக்கியமான கொழுப்புகளையும் கொண்டிருக்கின்றன.

நீரிழிவு-எதிர்ப்பு: பிஸ்தா, நீரிழிவு நோயால் பாதிக்கப்பட்ட, மற்றும் நீரிழிவுக்கு முந்தைய நிலையில் உள்ள நபர்களுக்கு, ஒரு மிகச் சிறந்த தேர்வாக இருக்கிறது என்பது மருத்துவரீதியான ஆய்வுகளின் மூலம் நிரூபிக்கப்பட்டு இருக்கிறது. அது, இன்சுலின் உணர்திறனை மேம்படுத்துதல், மற்றும் உணவுக்கு முந்தைய இரத்த சர்க்கரை அளவுகளைக் குறைப்பதன் மூலமாக, நீரிழிவை சமாளிக்க உதவுகிறது.

சருமத்துக்கான நன்மைகள்: பிஸ்தா, முதுமைக்கான அறிகுறிகள் தோன்றுவதைத் தாமதிக்க உதவுவது மட்டும் அல்லாமல், கூடவே சருமத்தின் மீதான UV கதிர்களின் தீங்கு விளைவிக்கும் விளைவுகளைக் குறைக்கின்ற உயிர்வளியேற்ற எதிர்ப்பொருட்களின் செறிவான ஒரு ஆதாரம் ஆகும். பிஸ்தா எண்ணெய், சருமத்தின் மீது ஈரப்பதமளிக்கும் ஒரு விளைவைக் கொண்டிருப்பதன் மூலம், அதனை மிருதுவாக மற்றும் மென்மையாக வைத்திருக்கிறது.

நீரிழிவுக்காக பிஸ்தா (Pistachio for diabetes)

நீரழிவு என்பது, ஒரு நபரின் வாழ்க்கைமுறை, உணவு தேர்வுகள் மற்றும் மரபணு அமைப்பு உள்ளிட்ட, பல்வேறு உடலியல் மற்றும் உளவியல் காரணிகளின் காரணமாக ஏற்படுகின்ற ஒரு பலவீனப்படுத்தும் கோளாறு ஆகும். கண்டறியாமல் விடப்பட்டால், அது சிறுநீரக சேதம், மற்றும் பார்வை இழப்பு உள்ளிட்ட மற்ற பல்வேறு பிரச்சினைகளுக்கு வழிவகுக்கக் கூடியது ஆகும்.  எனவே, ஆரம்ப நிலையிலேயே கண்டறிதல், மற்றும் சிகிச்சை அளித்தல் நீரிழிவு நோயை சமாளிக்க மிகவும் முக்கியமானவை ஆகும். நீரிழிவுக்கு சிகிச்சைஅளிக்கப் பல்வேறு மருந்துகள் பயன்படுத்தப்படுகின்றன. ஆனால் எல்லா மருந்துகளையும் போன்று, அவையும் அவற்றுக்கு சொந்தமான பக்க விளைவுகளைக் கொண்டிருக்கின்றன. அதனால், நவீன மருத்துவம், இயற்கையான, மற்றும் பாதுகாப்பான சிகிச்சை முறைகளுக்கு விரைவாக மாறிக் கொண்டு இருக்கிறது.

பிஸ்தாக்கள், அவற்றின் நீரிழிவு எதிர்ப்பு திறனுக்கான பலவித உணவு ஆதாரங்களில் ஒன்றாகக் கருதப்படுகிறது. 

ஒரு மருத்துவ ஆய்வு, பிஸ்தாக்களைத் தொடர்ந்து உட்கொள்வது, நீரிழிவு நோயினால் பாதிக்கப்பட்டவர்களுக்கு இரத்த சர்க்கரை அளவுகளைக் குறைப்பதில் பயன்மிக்கதாக இருக்கிறது என்று தெரிவிக்கிறது.

அமெரிக்க நீரிழிவு நோயாளிகள் சங்கத்தின் இதழில் வெளியிடப்பட்ட ஒரு ஆய்வின் அடிப்படையில், பிஸ்தாக்கள் நீரிழிவுக்கு முந்தைய நிலையில் உள்ளவர்களுக்கு (உயர் இரத்த சர்க்கரை அளவுகளைக் கொண்டவர்கள்), ஒரு மிகச் சிறந்த உணவுசார் பிற்சேர்க்கை பொருளாக இருக்கின்றன. பிஸ்தாக்களைத் தொடர்ந்து உட்கொண்டு வருவது, ஒரு அதிகரித்த இன்சுலின் உணர்திறன், மற்றும் சாப்பாட்டுக்கு முந்தைய இரத்த சர்க்கரை அளவுகள் குறைந்த ஒரு நிலை, ஆகியவற்றோடு தொடர்புடையதாக இருப்பதாகத் தெரிவிக்கப்பட்டு இருக்கிறது.  

நோய் எதிர்ப்பு சக்தியை அதிகரிக்க பிஸ்தாக்கள் (Pistachios boost immunity)

பிஸ்தா, பல்வேறு வைட்டமின்களின் ஒரு நல்ல ஆதாரமாக இருக்கிறது. ஆனால் அவற்றில் உள்ள வைட்டமின் B6, உடலுக்காக ஒரு ஆரோக்கியமான நோய் எதிர்ப்பு அமைப்பை உருவாக்க, மிகவும் அத்தியாவசியமானதாகும். பல்வேறு முன் மருத்துவ, மற்றும் மருத்துவ ஆய்வுகள், வைட்டமின் B6, ஒரு வலிமையான நோய் எதிர்ப்பு செயல்பாட்டுக்கு மிகவும் அத்தியாவசியமானவையான, உடலில் உள்ள எதிர்மங்கள் மற்றும் லிம்போசைட்டுகளின் (ஒரு வகை இரத்த வெள்ளை அணு) பெருக்கத்தை அதிகரிக்கின்றது என்று தெரிவிக்கின்றன. கூடுதலாக, அது முறையான இரத்தத்தையும், மற்றும் உடல் முழுவதும் முறையான இரத்த ஓட்டத்தையம் உறுதி செய்கிறது. ஒரு சிறப்பான இரத்த ஓட்டம், காயம்பட்ட, அல்லது நோய்த்தொற்று ஏற்பட்ட இடத்திற்கு எதிர்மங்கள் செல்லும் செயல்பாட்டினை எளிதாக்குகிறது. 

இருப்பினும், பிஸ்தாவின் நோய் எதிர்ப்பினைத் தூண்டும் (நோய் எதிர்ப்பு அமைப்பினைத் தூண்டுகிறது) விளைவுகள் மீதான நேரடியான ஆய்வுகள் எதுவும் இதுவரையில் மேற்கொள்ளப்படவில்லை.

பிஸ்தாவில் அழற்சி எதிர்ப்பு பண்புகள் உள்ளன (Pistachio has anti-inflammatory properties)

பிஸ்தாக்கள், வைட்டமின் A மற்றும் வைட்டமின் E ஆகியவற்றை செறிவாகக் கொண்டிருக்கின்றன. இந்த இரண்டு வைட்டமின்களும், திறன்மிக்க அழற்சி எதிர்ப்பு பண்புகளோடு தொடர்புடையவையாக இருக்கின்றன. அவை, சருமம் மற்றும் உணவுக்குழாயின் செல் சவ்வுகளின் ஒருங்கிணைப்பைப் பராமரிக்க உதவுவதன் மூலம், அழற்சியைக் குறைப்பதாக ஆராய்ச்சிகள் தெரிவிக்கின்றன. மேலும் அவை, அழற்சி ஏற்படுவதற்கான வழக்கமான காரணங்களில் ஒன்றான, தீங்கு விளைவிக்கும் உயிர்வளியேற்ற- மூலக்கூறு சேதாரக் கூறுகளில் இருந்து உடலைப் பாதுகாக்கவும் செய்கின்றன.

ஒரு ஆய்வு, பிஸ்தாக்களில் இருக்கும் ஒலியோரெசின், இரைப்பைக்கு எந்த ஒரு சேதத்தையும் ஏற்படுத்தாமல், எலிகளுக்கு எதிரான ஒரு வலிமையான அழற்சி எதிர்ப்பு செயல்பாட்டினைக் கொண்டிருப்பதைக் காட்டுகிறது.

 சருமத்திற்கான பிஸ்தா (Pistachios for skin)

புற ஊதா (UV) கதிர்கள் படுகின்ற வேளையில் உருவாகின்ற எதிர்விளைவு உயிர்வளியேற்ற இனங்கள் (ROS), சரும சேதம் மற்றும் மூப்புக்குக் காரணமாகக் கூடும். உயிர்வளியேற்ற எதிர்ப்பொருட்கள் ROS -க்கு எதிரான சிறப்பான எதிர்வினையூக்கிகள் ஆகும். உயிர்வளியேற்ற எதிர்ப்பொருட்கள், உள்மூலக்கூறு சேதாரக் கூறுகளை நீக்குவதன் மூலமாக, சருமத்துக்கு ஏற்படுகின்ற உயிர்வளியேற்ற சேதத்தில் இருந்து பாதுகாப்பு வழங்குகின்றன.

பிஸ்தாவிலுள்ள உயிரி செயல்கூறுகளைப் பயன்படுத்தி, ஒரு 3-பரிமாண (3D) மனித தோலுக்கு நிகரான (HSE) திசு மாதிரியின் மீது ஆய்வுகள் மேற்கொள்ளப்பட்டன. அந்த ஆய்வுகளின் முடிவுகள், பிஸ்தாவில் உள்ள லுடெயின் மற்றும் γ-டோக்கோபெரால் போன்ற உயிர்வளியேற்ற எதிர்ப்பொருட்கள், ஒட்டுமொத்த தடிமன் மற்றும் ஒருங்கிணைப்பைப் பாதுகாப்பதன் மூலம், UVA வின் காரணமாக ஏற்படுகின்ற சேதத்தில் இருந்து HSE -யைப் பாதுகாக்கும் திறன் உடையவை என்பதை வெளிப்படுத்தின.

பிஸ்தாக்களில் இருக்கின்ற வைட்டமின் E, சருமத்தின் மூப்படையும் செயல்பாட்டை எதிர்த்துப் போராடவும், மற்றும் சருமத்துக்கு ஒரு இளமையான தோற்றத்தை அளிக்கவும் உதவுகிறது.

பிஸ்தா எண்ணெய் எமோலியென்ட் பண்புகளைக் கொண்டிருக்கிறது. அதாவது அது ஒரு இயற்கையான ஈரப்பதமூட்டியாக செயல்பட்டு, சருமத்தை மென்மையாக, மிருதுவாக மற்றும் ஈரப்பதத்துடன் வைத்திருக்கிறது. மேலும் அது ஒரு மருத்துவ மசாஜ் எண்ணெய்யாகவும் பயன்படுத்தப்படுகிறது.

 முடிகளுக்கான பிஸ்தாவின் நன்மைகள் (Pistachios benefits for hair)

பிஸ்தாக்களில் காணப்படும் கொழுப்பு அமிலங்கள், வலிமையான மற்றும் ஆரோக்கியமான நீண்ட முடிகளின் வளர்ச்சியில் பங்கு வகிக்கின்றன. முடி உதிர்வுக்கான முக்கியமான காரணி பயோட்டின் பற்றாக்குறை ஆகும். பிஸ்தாக்கள் பயோட்டினின் ஒரு நல்ல ஆதாரமாக இருக்கின்றன மற்றும் அவற்றை நமது தினசரி உணவுமுறையில் சேர்த்துக் கொள்வது, முடி உதிர்வை நிறுத்தக் கூடும்.

பிஸ்தாக்களைக் கொண்டு தயாரிக்கப்படும் ஒரு முடி கவசமானது, சொறசொறப்பான முடி, பிளந்த நுனிகள், வறண்ட, மற்றும் நிறம் பாதிக்கப்பட்ட முடி ஆகியவற்றுக்கு மிகச் சிறந்த தேர்வாக இருப்பதை நிரூபிக்கிறது. இந்த கவசம் முடிகளுக்கு ஆழமாக ஊட்டமளித்து, நெகிழ்தன்மையை மேம்படுத்துகிறது. மேலும் இது முடிகள் மற்றும் உச்சந்தலைக்கு ஈரப்பதம் அளிக்கிறது.

  கருவிழி சிதைவுக்காக பிஸ்தாக்கள் (Pistachios for macular degeneration)

கருவிழி சிதைவு என்பது ஒரு முதுமை தொடர்பான கண் நோய் ஆகும். அது பெரியவர்களுக்கு படிப்படியாக பார்வைத்திறனை குறைத்துக் கொண்டே வருகிறது, மற்றும் படிப்பது மற்றும் வேலை செய்வதில் சிரமம் ஏற்படக் காரணமாகிறது. கருவிழி சிதைவின் முதன்மையான பங்களிக்கும் கூறுகளாக, உள்மூலக்கூறு சேதாரக் கூறுகள் இருக்கின்றன என ஆராய்ச்சிகள் தெரிவிக்கின்றன. இரண்டு கேரோடினாய்டுகள், லுடெயின் மற்றும் ஜியாக்ஸ்ன்தின் ஆகியவை விழித்திரையின் மிகவும் முக்கியமான அம்சங்கள், மற்றும் நமது பார்வைத்திறனின் முக்கியமான பகுதிக்குப் பொறுப்பானவை ஆகும். அவை, முதுமை தொடர்பான கருவிழி சிதைவு ஏற்படும் அபாயத்தைக் குறைப்பதில், மற்றும் அதன் அதிகரிப்பதை தாமதிப்பதிலும் கூட, ஒரு முக்கியமான பங்கு வகிப்பது கண்டறியப்பட்டு இருக்கிறது.

கீரைகள் மற்றும் பசலைக்கீரை போன்ற அடர் பச்சை நிற இலை காய்கறிகளில் காணப்படுகின்ற லுடெயின் மற்றும் ஜியாக்ஸ்ன்தின் ஆகியவை பிஸ்தாக்களிலும் காணப்படுகின்றன. உங்கள் உணவுமுறையில் மாற்றம் செய்து இந்த உணவுகளை உங்கள் உணவுமுறைக்குள் சேர்த்துக் கொள்வது, கருவிழி சிதைவை நிறுத்தவும், மற்றும் நல்ல கண் ஆரோக்கியத்தை உறுதி செய்யவும் உதவக் கூடும் என்று ஆய்வுகள் பரிந்துரைக்கின்றன.

பிஸ்தா வின் பக்க விளைவுகள் (Pistachios side effects)

ஒவ்வாமை: ஒருவருக்கு பிஸ்தா மீதான ஒவ்வாமை உள்ளது என்றால், அது அவர்கள் வாழ்வின் ஆரம்ப கட்டங்களில் வெளிப்படையாகத் தெரிய வந்து, அவர்களின் வாழ்நாள் முழுவதும் நீடிக்கிறது. அரிப்புகள், வாந்தி, இருமல், இரைப்பை பிரச்சினைகள், மற்றும் தோல் அரிப்பு ஆகியவை பிஸ்தா ஒவ்வாமையின் மிகவும் வழக்கமான அறிகுறிகள் ஆகும். மற்ற அறிகுறிகளில் தும்மல், இருமல், கண்களில் நீர் வடிதல் மற்றும் அரிப்பு ஆகியவை அடங்கும். பிஸ்தா பருப்பு மீதான ஒவ்வாமையைக் கொண்ட சிலருக்கு, மற்ற மர பருப்புகளின் மீதும் ஒரு அதீத உணர்திறன் உண்டாகிறது.

எடை அதிகரிப்பு: பிஸ்தா பொறுப்புகளில் உள்ள அதிக அளவு புரதம் மற்றும் நார்ச்சத்து மூலக்கூறுகள், அவற்றை ஒரு வசதியான மற்றும் பிரபலமான நொறுக்குத் தீனியாக ஆக்குகின்றன. இருந்தாலும், எதுவுமே அளவுக்கு மீறும் பொழுது கெடுதலாகக் கூடியதாகும். ஒரு கோப்பை நிறைய பிஸ்தா பருப்புகள் 689 கலோரிகளை அளிப்பதாகக் கூறப்படுகிறது.

பூசண வகை நச்சினை உருவாக்குதல்: பூசண வகை நச்சுக்கள் என்பவை முறையாக சேமிக்கப்படாத உணவுகளில் காணப்படும் நச்சுத்தன்மை மிக்க, மற்றும் புற்றுநோயை உருவாக்கும் வேதிப்பொருட்கள் ஆகும். பிஸ்தா பருப்புகள் முதிர்வு நிலையில் இருந்து பூசண நச்சுக்களைத் தோற்றுவிக்கும் தன்மை உடையவை என்று கண்டறியப்பட்டு இருக்கிறது. பிஸ்தா பருப்புகள் இயற்கையாகவே பிளந்து கொள்வதால், பூசண வகை நச்சுகள் உருவாகக் காரணமான பூச்சிகள், மற்றும் பூசணங்கள் எளிதாக உள்ளே நுழையக் கூடிய வகையில், மோசமான பாதுகாப்பை உடையவையாக இருக்கின்றன.

இரைப்பை பிரச்சினைகள்: ஃபுருக்ட்டான்களுக்கு ஒவ்வாமையைக் கொண்டிருப்பவர்கள் பிஸ்தா பருப்புகளைத் தவிர்க்க வேண்டும். ஃபுருக்ட்டான்கள் என்பவை பல்வேறு உணவுகளில் காணப்படும்

Share: